Bryndís Björgvinsdóttir
Ég Hata Alla!
Bók 1 í smábókaflokki Nýhils
Til að skrifa ljóð þarf ekki að
liggja yfir röðun orðanna. Bryndís skemmtir sér og mér við að hakka í sig ýmis
norm kapítalistasamfélagsins. M.a. netsamskiptin sem stjórna lífi margra einstaklinga
("Dagbók á barnalandi, umræður á Barnalandi"), einnig markaðshyggju
("Bíb, bíb, bíb" segir fjarðarkaup, jáh, jáh, jáh!" svara
frúr") og þá ímyndasköpun sem henni fylgir ("Í mars 2008 rak banki 14
eldri konur úr starfi til að ráða nýrri konur, Bankinn kallar aðgerðina
ímyndarsköpun, ímyndarsköpun er þegar sköp eru sett í mynd") og umfjöllun netmiðla
um norm viðskiptaheimsins ("Litla gula hænan tekur skortstöðu í
brauði") svo að undirritaður lauk lestrinum með bros á vör og söng í
hjarta yfir þessu yndislega drulli yfir steingelda siðmenningu. Bryndís hittir
naglann á höfuðið hvað varðar massageðklofa siðmenningarinnar því eins og allir
vita eru „framfarir tómt hugtak sem býður mönnum og konum ímyndaða uppbót í
formi hefndar í framtíðinni vegna þeirrar niðurlægingar sem þau þurfa að
upplifa í daglega lífinu“ (Stewart Home).
sh
